جوايا شيء

جوايا شىء
جوايا شىء بيملها .. شىء من بعيد بيحبها
جوايا شىء نفسه يروح ويقول لها بحبك
جوايا كلمه كبيره عليا .. اكبر م الدنيا دى بشويه
اكبر من عمرى وايامى .. اكبر من ليلى واحلامى
اكبر من شوق قلبى لقربك

جوايا لحن بيتغزل .. ف عنيكىِ ولا مره اتكلم
ولا مره باح بعذابه .. ولا الدموع فارقه بابه
ولا حن ولا رق له قلبك

جوايا شوق بيدور حوليكِ .. جوايا فكره بتحلم بيكِ
تحفر فى الجنه خدودك .. تمحى م الدنيا عيوبك
ترسم على قلبى صورتك

ياللى عشانك سبت سنينى .. تغرق بين لهفتى وحنينى
اهرب ما اعرفش لفين .. تقابلنى الفرحه بأنين
ارجع نادم اسمع همسك

ادى قلبى اللى وهبتك احساسه .. وبقيتى له اهله وناسه
لسه بيحلم ليكى يعود .. ويدوب جوا عنيكى السود
جوا عروقك يحضن نبضك

باحلم الاقيكى فى قربى .. بتعيشى وتشربى من حبى
اكتب للدنيا حكايتى .. اسرق من الاحزان صورتى
واعلن للعالم حبك

جوايا شىء كله لها .. ما اعرفش امتى حبها
جوايا شىء خايف يبوح ويقولها .. بحبك