يا لص ليه مكسوف .......مش انت بس الحرامي
ده ياما زيك الوف....... مع اختلاف الاسامــــى
ان شوفت واحد كبير... فى مظهره او فى شكله
يسف عرق الفقير...... واى شئ دوغرى ياكله
ماهو برضه زيك .... حرامى مع اختلاف الاسامى
وان شفت وأحد موظف ..... يكدب وكدبه مساوى
يسرق وينهب ويخطف ..... دايما وياخد رشاوي
ده يبقى ايه غير....... حرامى مع اختلاف الاسامى
وأسمه مخلص خلوصى .... وله مخالب ديابه
من الدروس الخصوصى ..... يسف قوت الغلابه
طبعا وحتما حرامى ...... مع اختلاف الاسامى
ويقول كلام موزون ...... وتنبسط من سماعه
من كل صنف ولون ...... وتلاقيه مش بتاعه
هايكون ايه غير....... حرامى مع اختلاف الاسامى
وان شوفت واحد وضيع ......يخدش شريفه فى حبه
وشرفها وياه يضيع ....... ويسبها تشرب مقالبه
مجرم وأكبر حرامى ......مع اختلاف الاسامى
كفايه اسمك عليك ...... يالص توب من عمايلك
الهى تعدم عينيك ...... يالص أنت وزمايلك
وكل واحد حرامى ...... مع اختلاف الاسامى
abdullah hamdey
ليست هناك تعليقات:
إرسال تعليق